Shkupi është në panik, teksa në media po qarkullon një alarm për sulm terrorist në finalen e Supërkupës, e cila do të zhvillohet mes Realit të Madridit dhe Manchester United më 8 gusht.
Rezervimet për qëndrim gjatë natës kur do të luhet Super Kupa e UEFA janë anuluar për shkak të dyshimeve se mund të ketë sulme terroriste në Shkup, shkruan Plusinfo.
Këtë e kanë konfirmuar edhe grupet e tifozëve, teksa një lajm i tillë po qarkullon prej ditësh në rrjetet sociale.
Alarmi për sulmin terrorist është përhapur nga disa tifozë, të cilëve iu ka mbërritur një mesazh i tillë nga tifozë të huaj që kanë bërë rezervime te mëparshme nëpër hotelet e kryeqytetit.
Në fotografinë në fund të tekstit mund të shihet një mesazh në gjuhën angleze, të cilin e ka marrë një tifoz i huaj nga një hotel në Shkup, e pastaj e ka dërguar deri tek tifozët maqedonas të Manchester United.
“Ne jemi të detyruar nga ana e Qeverisë për të ju informuar si mysafir i yni, se janë marrë kërcënime për sulm të mundshëm terrorist më 7 dhe 8 gusht”, shkruhet në fillim të mesazhit.
Megjithatë duket se kemi të bëjmë me një lajm të rreme, teksa qeveria maqedonase e mohon një gjë të tillë , ndërsa tifozët pretendojnë se është mashtrim të tërhequr rezervimet.
