Gjendja e ajrit në Prishtinë ka qenë shumë e rëndë. Ditën e djeshme, është kryer matja e cilësisë së ajrit nga matësit e Ambasadës Amerikane në Prishtinë në ora 22:00, ku cilësia e ajrit rezultonte në shkallën 338, që konsiderohet mjaft e rrezikshme.
Ndërkohë, shkalla më e lartë e ndotjes është shënuar më 3 dhjetor, ku arriti shifrën rekord prej 493.
Ndotja e ajrit sipas Organizatës Botërore të Shëndetësisë është një prej kërcënimeve më të mëdha për shëndetin global. Sipas agjencisë së OKB-së për Shëndetësi, ndotja e ajrit vret 7 milionë njerëz në botë çdo vit, përfshirë 600 mijë fëmijë, raporton KosovaPress. Po ashtu, ajri i ndotur ndikon që shumë fëmijë të lindin me probleme mendore e fizike.
