Tre persona të rrezikshëm janë shpallur në kërkim nga policia franceze. Kjo e fundit zhvilloi mbrëmë një operacion në stacionin e trenave Gare du Nord, në kryeqytetin francez, në Paris.
Një tren me 200 pasagjerë i është nënshtruar një kontrolli të rreptë, ndërsa zona u rrethua menjëherë nga policia e armatosur.
Kontrollet kanë përfunduar në orën 2 të mëngjesit, ndërsa në stacion u rikthye normaliteti.
Një kontrollues dhe një shitës kanë raportuar për praninë e këtyre tre personave të rrezikshëm, duke bërë që policia të ndërmarrë operacione në Paris, Bordo dhe Marsejë, por pa rezultat.
Franca është në një gjendje të jashtëzakonshme që nga sulmet e Parisit të vitit 2015.
