Televizioni më i madh në gjuhën arabe i ndjekur nga më shumë se 300 milionë njerëz i ka kushtuar një dokumentar gjakmarrjes në veri të Shqipërisë.
“Tre vite më parë, vëllai i Beta vrau një djalë tjetër në fshatin e saj në Shqipërinë e veriut, duke shkaktuar frikë për një hakmarrje gjaku ndaj familjes së saj. Ndërsa vëllai i saj u dërgua në burg nga gjykatat shqiptare, kërcënimi për hakmarrje ndaj familjes mbetet ende për shkak të përhapjes së gjerë të një kodi të shekullit të 15-të, i njohur si “Kanun”. Ky sistem alternativ i drejtësisë pohon se vrasja duhet të merret në mënyrë që të rivendoset nderi familjar, shkruan televizioni “Al Jazeera”.
Pas incidentit, babai i Beta iku në Londër, ku shpreson të marrë azil, duke lënë Betan dhe motrën e saj të mbyllur në shtëpi me familjen.
Beta po rritet gjithnjë e më shumë e frustruar nga izolimi, gjë që gjithashtu e ka penguar atë të shkojë në shkollë. Shpresa e vetme tani është që babai i saj të pajisjet me azil dhe ajo dhe motra e saj të mund t’i shpëtojnë burgut të vetëimponuar”, shkruan televizioni.
Simon Hipkins, autori i dokumentarit 24 minuta, thotë pas kërkimeve të shumta në veri të Shqipërisë për familjet e prekura nga gjakmarrja kishte takuar motrat Beta dhe Migena, nënën e tyre Rezerarta dhe gjyshen e tyre Liza. Ai thotë se ishte tërhequr nga dinamika e fortë midis brezave të tri grave.
Pavarësisht jetës së tyre të vështirë, autori thotë se vajzat kanë një ndërgjegjsëi gjithnjë e në rritje për të vijuar jetën gjashtë Shqipërisë përmes qasjes në internet dhe televizion.
Autori ka folur në telefon me babain e vajzave, Paulinin, i cili jeton në Londër dhe tregon për betejën e vazhdueshme për të marrë azil për familjen në Britaninë e Madhe. Ai tha se përmes filmit shpresonte që të ndërgjegjësonte të tjerët të përjetonin atë që po kalonte familja e tij.
“Që nga rënia e komunizmit në vitin 1991, jeta për shumicën e shqiptarëve ka qenë jashtëzakonisht e vështirë. Pas një sërë skemash të korruptuara piramidale që u shembën në vitin 1997, qindra mijëra u lanë pa para. Në trazirat që pasuan, më shumë se 650,000 armë u plaçkitën nga rezervat ushtarake. Besimi në shtet ishte i humbur, kriminaliteti u rrit dhe njerëzit filluan të ktheheshin në ligjet tradicionale fisnore të cilat ishin shtypur nën komunizëm”, thuhet në dokumentar, sipas Oranews.
“Në veri të Shqipërisë, kjo do të thoshte rilindja e “Kanunit” si një formë alternative e drejtësisë. Krimet e gjakut janë ndoshta shembulli më dramatik i kësaj: në rastet e vrasjes, nderi i familjes duhet të miratohet me anë të vrasjes hakmarrëse të kryerësit ose një prej të afërmve të tij meshkuj.
Familja e Betas është një shembull kryesor i një familjeje që vuan pasojat e një krimi modern gjaku. Të gjithë anëtarët meshkuj të familjes u larguan jashtë vendit pas një sulmi të reprishur, duke lënë Betan, motrën, nënën dhe gjyshen e saj të vetme.
Shtëpia dhe rrethinat e tyre janë një vend i mrekullueshëm, i bukur, por megjithatë një burg i ruajtur nga frika se çfarë mund të bëjë familja tjetër.
