Tre anëtarë të një familje janë gjetur të vdekur nga të afërmit e tyre në dhomat e gjumit. Ngjarja ka ndodhur në Dibër të Madhe, në Maqedoni, ndërsa familja sapo kishte ardhur nga Italia për pushime, ndërsa do të merrte pjesë edhe në një feste familjare.
https://tiranatoday.com/videofotonga-dasma-ne-mort-familjen-shqiptare-e-vrane-ne-gjume-emrat/
Viktimat janë Amit Pocesta 54- vjeç, bashkëshortja e tij Nazmije Pocesta 53-vjeçare dhe vajza e tyre Anila Pocesta 14- vjeçare.
Sipas mediave në Maqedoni autori i vrasjeve është burri i motrës (kunati) së Amit Pocestës, Rasim Findo, për shkak të një konflikti për pronën, për rrugicën që lidh dy banesat. Ai njihej si person konfliktual. E ndërsa viktimat janë përcjellë por në banesën e fundit, i akuzuar ka thyer heshtjen.
“Nuk kam bërë asgjë, është gënjeshtër. Unë nuk kam ikur dhe nuk jam i kërkuar, unë jam në shtëpinë time. Dhe nuk kisha asnjë problem me kunatin tim. Ne kishim për të ndarë disa toka, por nuk kishte konflikt mes nesh”, është shprehur nga Dibëra në Maqedoni, Rasim Findo, 60-vjeç me profesion shofer. Rasimi mbron veten pasi lajmi që është përhapur dhe akuzohet se ai ishte personi që fshihet pas krimit.
Por edhe djali i Rasimit është i cili jeton në rrugën në Cordignano, Amir Findo, 35-vjeç është shprehur se: “Për ne, kjo është një tragjedi të dyfishtë, akuzat që janë bërë në drejtim të babait tim.
Humbja e dajës tim e kushërirës time, nuk ka lidhje me babain tim. Babi im është paraqitur në policisë bashkë me shumë të afërm të tjerë pasi janë mërrë në telefon për të dëshmuar lidhur me ngjarjen e rëndë. Ata janë marrë në pyetje e më pas janë lënë të lirë”.
Të dy familjet
Amir tregon se si dy familjet, Findo dhe Pocesta kishin lidhje jo vetëm familjare, por edhe se si ata kishin ndihmuar njëra- tjetrën duke u larguar nga Maqedonia për një jetë më të mirë në Itali.
“Ne jetuam së bashku në të njëjtën shtëpi këtu në Cordignano, me dajën dhe kushërirat e mi. Deri në vitin 2001 kur ata u zhvendosën në Sacile (Pordenone) dhe e bëmë një shtëpi “.
Duke jetuar me punë e duke sakrifikuar, i ndjeri kishte mundur që të rriste tri vajza, Blerta 28-vjeç, dhe Mukadja 25-vjeç, dhe e ndjera Anila 14-vjeçe.
54- vjeçari i ndjerë kishte punuar për njëzet vjet më Ormetin e Colle Umberto dhe pastaj për Corazza di Gaiarine. “Të gjithë e duan, ai ishte një njeri i mirë. Nuk kishte kontraste ose probleme për pronën. Në fakt, toka ku e ndërtoi shtëpinë në Dibër e kishte blerë. Dhe është më pak se dhjetë metra nga shtëpia jonë”. Më tej Amir kishte treguar foto nga ceremonia e dasmës së tij kur ata ishin të gjithë së bashku dhe të lumtur.
“Unë ende nuk mund të besoj se është e vërtetë. Nëse unë mendoj për Anilën, që e kanë vrarë në këtë mënyrë më dridhet trupi.
Kushërirat e mia Blerta dhe Mukades ishin në Itali, kur të afërmit i kishin marrë në telefon ku u kishin thënë se prindërit i kishin në spital se ishin sëmurë, dhe u kishin kërkuar që të shkonin atje. Kur arritën, ata e gjetën veten përpara atij tmerri “. I riu përpiqet të rindërtojë atë që i kanë treguar të afërmit e tij për krimin: “Ata na thanë se ishte puna e një profesionisti. Ai kishte gjuajtur me tri të shtëna në kokë dajën dhe gruan e tij. Pastaj ai kishte shkuar edhe tek kushërira që flinte në dhomën tjetër dhe e kishte qëlluar edhe atë. Ai nuk kishte lënë gjurmë të gishteve dhe nuk kishte vjedhur asgjë.
Nuk ishte një ngjarje e ndodhur për vjedhje, pasi policia kishte gjetur 6-mijë euro në banesë, por edhe sendet me vlerë nuk ishin marrë.
Sipas nipit, vrasja e familjes Pocesta është një ekzekutim. Por pse? “Nuk e di. Unë nuk mund ta shpjegoj. Megjithatë, daja im, i cili u kthye në Debar vetëm për pushimet, kishte pasur probleme në vitet e fundit. Gomat e automjetit ia kishin çarë, një përpjete për t’u futur në shtëpi kishte dështuar për shkak të sistemit të alarmit. Por probleme të tjera nuk ka pasur dhe me ne nuk kishte konflikte me ta. Tani prindërit e mi kanë frikë dhe duan të kthehen në Itali sa më shpejt që të jetë e mundur”.
Burimi: corrieredelveneto.corriere.it
Përshtati: Tirana Today
