Akullnajat po shkrijnë dhe po zhduken. Kjo vjen si pasojë e ndryshimeve klimaterike. Ndërsa në Grenlandë liqenet po thahen si pjesë e një “reaksioni zinxhir” që mund të shkaktojë shembjen e plotë të akullnajave.
Shkencëtarët tërheqin vërejtjen duke thënë se Grenlanda aktualisht është duke humbur rreth 260 miliardë tonë akull në oqean çdo vit dhe këto shifra vazhdojnë të shënojnë rritje.
Aktualisht shkencëtarët kanë zbuluar një kërcënim të ri për stabilitetin e akullnajave – një seri e liqeneve të përkohshme, të cilat janë duke u shterë në një veprim zinxhiror.
Kjo ndikon që uji dhe nxehtësia të kalojnë nën akullnaja, duke i bërë ato të paqëndrueshme.
Studiuesit janë të shqetësuar se shembja e akullnajave nga ky veprim zinxhiror i tharjes mund të ndodhë më shpejt se sa pritej dhe kjo do të ngre nivelin e detit, shkruan voa. Studimet e fundit kanë gjetur se 124 liqene janë tharë për vetëm pesë ditë.
