Nga: Marsela Sinani
Si për ironi të fatit, kryebashkiaku Veliaj ia hodhi paq artistëve duke u shtirur se me tre prej tyre kishin arritur në një marrëveshje për Teatrin Kombëtar. Por loja merr një tjetër drejtim, kur një ndër ikonave të skenës shqiptare ia ndyjnë emrin, si një ndër ata që kanë firmosur për shembjen e godinës.
Sot u lakua gjerësisht në media emri i të madhit Pirro Mani, ku rezultonte në krye të listës me 65 emra, ku ishin shprehur hapur pro shembjes së godinës së Teatrit Kombëtar, për ndërtimin e një teatri të ri, por pa cënuar asnjë cm nga trualli ekzistues që i takon teatrit.
Politika duket se ka zënë rrënjë, e në tentativë për ti manipuluar, u merr edhe atë çfarë kanë të shtrenjtë, dinjitetin! Në një intervistë ekskluzive për “Tirana Today”, aktori Neritan Liçaj e ka cilësuar këtë si një mashtrim.
https://tiranatoday.com/thirrja-e-forte-e-aktorit-te-mirenjohur-veliaj-po-ben-show-mediatik-artistet-dje-nuk-firmosen-gje/
Sikundër e madhja Pavlina Mani, e cila konfirmoi se i shoqi nuk ka vënë asnjë firmë, e as është shprehur për shembje teatri, Liçaj shpreh habinë sesa qesharak bëhet Veliaj, duke tentuar të manipulojë në këtë lloj forme.
https://tiranatoday.com/letra-e-artisteve-per-teatrin-pavlina-mani-kane-falsifikuar-firmen-e-pirro-manit/
“Është një mashtrim. S’jemi në kohën e Enverit. Kemi media dhe të nxjerrin gënjeshtrën. Pirro Mani ka punuar një jetë në këtë Teatër. Si mund ta firmosë? Është absurde dhe tek ajo lista ka 6 artistë të Teatrit që kanë firmosur.
Pjesa tjetër nuk ka firmosur në botë. Vetëm 6 aktorë të Teatrit kanë firmosur, 22 nuk janë”, tha ai.
Po kështu, aktori vendosi vulën përfundimtare, duke konfirmuar se aktorët nuk janë të ndarë, por janë në unison me njëri-tjetrin.
“Çështja e Teatrit është çështje kombëtare. Nuk është shtëpia ime, nuk është prona ime, por është e qytetarëve. Është një aleancë e tërë kundër këtyre manovrave dhe gënjeshtrave”, përfundoi aktori i mirënjohur.
TIRANA TODAY
