Ylli kinez, Chow Yun-fat, një multimilioner që bëri emër falë filmave aksion, ka vendosur që të dhurojë pasurinë e tij për bamirësi. Për herë të parë, ai u shfaq në listën e njerëzve më të pasur të revistës amerikane “Forbes”, në vitin 2015.
Është vlerësuar se ka një pasuri prej rreth 630 milionë euro. Aktori 63-vjeçar nga Hong Kongu lëviz me transport publik, dhe shpesh pret në radhë të gjata për të blerë një biletë kinemaje, në të cilën është protagonist kryesor.
Ai ka thënë se paraja nuk është gjithçka. “Paraja nuk është diçka që na takon përgjithmonë. Kur vdesim, të tjerët e përdorin atë”, tha Chow.
Gruaja e tij tha se “pavarësisht pasurisë, shpesh hanim ushqim të përgatitur në rrugë, siç është zakon në Kinë”.
