Sot pritet të përmbyllet aksioni për prishjen e ndërtimeve pa leje në Theth.
Burimet bëjnë me dije se kanë mbetur vetëm dy objekte të fundit, të cilave IKMT u ka lënë afat deri në orën 18:00 që të çmontohen vullnetarisht nga vetë pronarët.
Ky aksion, i cili ka zgjatur një javë, ka çuar në shembjen e rreth 70 ndërtimeve të paligjshme në zonën e mbrojtur të Thethit.
Pas përfundimit të ndërhyrjeve të sotme, strukturat shtetërore pritet të tërhiqen nga territori i parkut kombëtar.
