Kryeprokuroria e Ankrasë ka lëshuar 142 urdhër-arreste për pjesëtarë dhe ish-pjestarë të Ministrisë së Arsimit dhe Ministrisë së Rinisë dhe Sportit të Turqisë. Këto urdhër arreste janë lëshuar në kuadër të hetimeve lidhur me organizatën terroriste FETO.
Konkretisht, sipas njoftimit të publikuar nga Kryeprokuroria, urdhër arreste janë lëshuar për 121 pjesëtarë të personelit të Ministrisë së Arsimit, prej të cilëve 116 ishin shkarkuar më herët, dhe 21 ish-pjesëtarë të personelit të Ministrisë së Rinisë dhe Sportit, për të cilët është konfirmuar se kanë përdorur aplikacionin e fshehtë të komunikimit ByLock, që përdoret nga pjesëtarët e organizatës terroriste FETO.
Autoritetet kanë organizuar operacion në tetë provinca, duke filluar me arrestimet që në orët e para të mëngjesit.
Organizata FETO, e udhëhequr nga Fetullah Gylen me bazë në Pensilvani të Shteteve të Bashkuara të Amerikës, organizoi një tentativë për grusht shteti ushtarak më 15 korrik të vitit të kaluar.
