Presidenti serb, Aleksandar Vuçiç, është përfshirë në një aksident rrugor. Një automjet me 3 persona në bord ka goditur makinën me të cilën udhëtonte presidenti i Serbisë në Beograd.
Sipas mediave vendase, ngjarja ka ndodhur mëngjesin e djeshëm në qendër të Beogradit. Autokolona që shoqëronte presidentin Vuçic ishte duke kaluar pranë një rrethrrotullimi në qendër të Beogradit, ku është goditur nga një automjet tip “Bentley” me targa spanjolle, e cila ishte me një shpejtësi jashtë limiteve.
Tre personat që ishin në makinë janë arrestuar dhe mësohet se ata nuk janë emra të panjohur për policinë, pasi kanë kryer krime të ndryshme, ndërsa nga analizat rezulton se ata kishin konsumuar lëndë narkotike.
Ndaj 3 të arrestuarve pritet të ngrihet akuza e cenimit të sigurisë, vepër penale kjo që në Serbi dënohet nga 1 deri në 8 vite burg.
