Update/Ka shkuar në 24 të vdekur dhe mbi 60 të plagosur bilanci i viktimave të aksidentit të tmerrshëm hekurudhor, që ndodhi një ditë më parë në Turqi.
Sipas mediave turke, aksidenti i rëndë ka ndodhur në afërsi të një fshati në qarkun Çorlu, të provincës Tekirdag. Mësohet se vagonat e trenit kanë dalë nga shinat si pasojë e shiut. Por CNN turk ka raportuar se shkak për aksidentin është bërë një urë e shembur. Treni kishte 360 persona në bord dhe po udhëtonte nga Kapikule për në Stamboll.
Aksident i tmerrshëm në Turqi, 10 të vdekur dhe 73 të plagosur
Një tren pasagjerësh ka dalë papritur nga shinat ditën e sotme në Turqi duke shkaktuar një aksident të tmerrshëm.
Nga të dhënat e para mësohet se të paktën 10 persona kanë vdekur dhe 73 të tjerë janë plagosur. Aksidenti hekurudhor ka ndodhur në afërsi të një fshati në qarkun Çorlu.
Transferimi i të plagosurve është bërë nga toka dhe ajri në spitalet në Stamboll dhe Tekirdag.
“Sipas vlerësimeve të para 10 persona kanë humbur jetën, ndërsa 73 të tjerë janë plagosur. Vazhdojnë punimet tona në lidhje me incidentin” thotë ai.
Gumus ka treguar se në vendin e ngjarjes ndodhen rreth 100 autoambulanca.
