Zbardhen detajet nga aksidenti tragjik me 4 viktima në Fushë Prezë. Në një njoftim të dytë të bërë nga policia e Tiranës, pas edhe hapjes së kamerave të sigurisë, rezulton se betonjerja kishte ndaluar në rrugë dhe nuk kishte ndezur bllokazhin. Në po të njëjtin njoftim thuhet se makina e 4 të rinjve ka qenë me shpejtësi tej normave të lejuara.
Nga ana tjetër, është arrestuar edhe Valentin Krrashi i afërm i shoferit të betonjeres, për veprat penale “Përkrahja e autorit të krimit” dhe “Veprime që pengojnë zbulimin e së vërtetës”, pasi dyshohet se ka larguar nga vendi i aksidentit, 24-vjeçarin;
Po ashtu nga verifikimet e kryera ka rezultuar se menaxheri nuk kishte marrë masa për pajisjen e betonieres, me dokumentacionin e nevojshëm për qarkullim dhe kishte punësuar drejtuesin e betonieres, pa pasur leje drejtimi për këtë kategori mjetesh.
