Një vit e gjashtë muaj burgim dhe katër vjet i është pezulluar patenta, ky është dënimi i dhënë ndaj shqiptarit 23-vjeçar Rigert Ismailaj, nga gjyqtari i Gjykatës DR e Treviso, Angelo Mascolo, shkruan Tirana Today.
Rigert Ismailaj, banor i Trevignano, akuzohet për një aksident që i shkaktoi vdekjen të 23 vjeçarit tjetër po shqiptar Leonard Muça, i cili ishte pasagjer në makinën e Ismailaj. Ky i fundit kishte bërë një parakalim të rrezikshëm që për pasojë ishte fatal për Muçën.
Ngjarja tragjike daton në 8 nëntor 2015, në orën 16:15. Leonard Muca, me origjinë shqiptare, por rezident për vite me familjen e tij në Treviso, një ish-student i institutit Turazza. Ai ishte ulur në ndenjësen e pasme të një Ford C Max të drejtuar nga Rigert Ismailaj, ndërsa në sedlijen e djathtë e përparme ishte ulur Gentian Muça, gjithashtu shqiptarë, 23 vjet që jetonte në Montebellunës.
Makina udhëtonte nëpërmjet Don Minzoni në Qarkun e Montebellunës drejt Caerano San Marco-Montebelluna. Gjatë udhëtimit, shoferi kryen një parakalim të rrezikshme dhe humb kontrollin e makinës, e cila përplaset me një pemë të madhe në buzë të rrugës. Pema kishte bllokuar derën e pasme ku Leonardi, nuk kishte asnjë mundësi që të dilte. Ai menjëherë ishte marrë dhe dërguar në spital, por kishte ndërruar jetë pas 4 ditësh agoni, më 12 nëntor 2015, për trauma kokë dhe hemorragji cerebrale. TIRANA TODAY
