Një incident i frikshëm ka ndodhur gjatë fazës së pestë të “Dakar 2019”, e cila u zhvillua në shkretëtirën e Perusë. Një spektator është goditur nga një kampion i cili merrte pjesë në garë dhe drejtohej nga rusi Andrei Karguínov.
e gjithë ngjarja është filmuar nga kamerat, ku kamioni ishte duke kaluar dunat e rërës dhe ishte në drejtim të një grupi njerëzish të cilët ndodheshin jashtë zonës së përcaktuar për publikun. Spektatorët largohen por një 60-vjeçar nga Afrika e Jugut rrëzohet dhe goma e pasme e kamionit i kalon mbi këmbë.
Ai ka marrë thyerje në këmbë dhe në femur dhe u dërgua për trajtim në spital menjëherë nga ekipet mjekësore, sipas deklaratës zyrtare të organizatorëve të turneut.
Kamioni, i cili garonte me numrin 518, është përjashtuar nga gara me vendim të jurisë së komisionerëve. Para aksidentit, piloti rus, Karginov, zuri vendin e tretë në pesë fazat e mëparshme të “Dakar 2019” dhe fitoi të katërtën prej tyre.
Andrei Karguínov, që shkaktoi incidentin e rëndë, tha se është gati të ofrojë të gjithë ndihmën e mundshme për të plagosurin.
Përveç kësaj, u raportua se automjeti paraqiste probleme teknike në boshtin e parë dhe po tejkalonte dunat me vështirësi të mëdha, kur përpiqej të shmangte spektatorët.
Organizatorët dhe autoritetet lokale i kujtojnë publikut nevojën e respektimit të zonave të shikuesve, të konsideruara si zona të sigurta, për të parandaluar kësi aksidentesh të frikshme.
