Pak minuta më parë, një aksident tragjik është regjistruar në rrugën e Arbrit, në zonën e quajtur Zall Marec, në afërsi të Zall Dajtit, 2 km nga shkalla e Tujanit.
Deri më tani raportohet për dy viktima.
Tiranë/Informacion paraprak
Më datë 18.12.2023, në Rrugën e Arbrit, afër Shkallës së Tujanit, janë përplasur 2 automjete. Si pasojë e përplasjes, njëri nga automjetet ka rënë nga lartësia në humnerë dhe 2 shtetasit që kanë qenë në këtë automjet, kanë humbur jetën.
Drejtuesi i automjetit tjetër, shtetasi K. R., ndodhet në spital, në kujdesin e mjekëve.
Grupi hetimor po punon për sqarimin e rrethanave të aksidentit dhe për identifikimin e 2 shtetasve që kanë humbur jetën.
