Të paktën 5 persona dyshohet se kanë mbetur të plagosur në një aksident automobilistik në Kukës. Ngjarja ka ndodhur te Rruga e Kombit, në afërsi të Fushë-Dukagjinit.
Automjeti me të cilin udhëtonin 5 personat ka humbur kontrollin, duke u përplasur me trafikndarësen.
Të lënduarit mësohet se janë nisur drejt spitalit dhe ndodhen nën kujdesin e mjekëve.
Mbeten të paqarta rrethanat e plota të këtij aksidenti dhe do të jetë policia ajo që pritet të zbardhë ngjarjen.
