Një aksident i rëndë me pasojë vdekje ka ndodhur në lagjen “Xhami” të Peqinit, ku ka humbur jetën një 31-vjeçare.
Kjo e fundit ka qenë brenda automjetit tip “Volkswagen”, i cili drejtohej nga vëllai i saj, shtetasi R.M., 40 vjeç.
Automjeti ka dalë nga rruga dhe ka rënë në kanalin që vjen nga Bishqemi-për Kavajë.
Nga aksidenti, ka mbetur e plagosur rëndë 51-vjeçarja, N.D.,tezja e drejtuesit të mjetit.
Më poshtë njoftimi i policisë:
Më datë 02.07.2017 në qytetin e Peqinit në Lagjen “Xhami” shtetasi R.M., 40 vjeç banues në Peqin, duke drejtuar mjetin Volksëagen, Pasat veturë ka dalë nga rruga dhe ka rënë në kanalin që vjen nga Bishqemi-për Kavajë.
Në këtë automjet udhëtonin shtetasit; P.M., 31 vjeçe banuese në Peqin, motra e drejtuesit të mjetit, e cila ka gjetur vdekjen.
N.D., 51 vjeçe banuese në Maqedoni, tezja e drejtuesit të mjetit, ndodhet në spital në gjendje të rëndë për jetën.
Ndërsa Xh.D., 21 vjeçe banuese në Maqedoni, K.M., dhe E.M., 8 dhe 6 vjeçe banuese në Peqin, ndodhen jashtë rrezikut për jetën.
Drejtuesi i mjetit është shoqëruar në Komisariatin e Policisë Peqin për veprime të mëtejshme.
