Një aksident i rëndë ka ndodhur mëngjesin e sotëm në aksin rrugor Elbasan-ish Kombinati Metalurgjik, ku janë përplasur fuqishëm dy automjete me njëra-tjetrën.
Për pasojë, kanë mbetur të plagosur dy persona, të cilët janë dërguar për ndihmë mjekësore në spitalin e Elbasanit.
Siç duket në foto, automjeti tip Renault me targë AA 864 NB është përplasur me një Fuoristradë me targa AA 153 ES drejtuar nga shtetasi A.Ç., 28 vjeç banues në fshatin Vidhas. Si pasojë është dëmtuar drejtuesi i mjetit me targa AA 864 NB dhe pasagjeri që ndodhej në këtë mjet.
Nuk dihet ende shkaku i aksidentit, ndërsa policia po punon për zbardhjen e ngjarjes.
