Dy persona kanë ndërruar jetë sot si pasojë e një aksidenti të rëndë Ngjarja ka ndodhur në aksin rrugor Korçë-Bilisht, pranë fshatit Progër.
Mësohet se viktimat kanë qenë duke udhëtuar me motor dhe janë përplasur nga një automjet tip Benz rreth orës 15:00. Pas përplasjes, njëri prej tyre ka humbur jetën menjëherë. Personi tjetër është plagosur rëndë dhe është dërguar me urgjencë në spital, por nuk i ka mbijetuar plagëve të marra dhe ka ndërruar jetë.
Policia e mbërritur në vendngjarje ka nisur hetimet për zbardhjen e plotë të shkaqeve dhe rrethanave të aksidentit, si dhe ka shoqëruar drejtuesin e “Benz-it”, 55-vjeçarin me inicialet P.G.
Informacion paraprak:
Më datë 28.09.2017, jemi njoftuar se në aksin rrugor Bilisht-Korçë, pranë kryqëzimit të fshatit Progër një mjet tip “Benz” me targë AA501HV, me drejtues shtetasin P.G, rreth 55 vjeç, banues në Bilisht, është përplasur me një mjet motorr me të cilin udhëtonin dy shtetas ende të paidentifikuar, të cilët për pasojë kanë gjetur vdekjen, gjatë transportimit për ndihmë mjekësore në Spitalin Rajonal të Korçës.
Grupi hetimor po punon për zbardhjen e rrethanave të ngjarjes.
