Detaje të reja janë zbardhur nga aksidenti i rëndë që ndodhi këtë mëngjes në Fushë Krujë.
Policia ka vënë në pranga një 16 vjeçar, pasi akuzohet se duke drejtuar mjetin ka aksidentuar për vdekje 65 vjeçaren, Mane Hoxha.I mituri për shkak të traumës është larguar menjëherë pas aksidentit nga vendi i ngjarjes.
Për 16-vjeçarin tashmë rëndojnë akuzat për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
