Në orët e para të ditës, një aksident është shënuar në aksin rrugor Elbasan – Metalurgji, me pasojë dy persona të lënduar. Një mjet, drejtuar nga shtetasi me inicialet R.T., banues në lagjen “5 Maji”, Elbasan, është përplasur me mjetin me targa AA289TT, me drejtues shtetasin F.J., si dhe është përplasur lehtë autobusi me targa AA081TR, me drejtues shtetasin G.B. Burime zyrtare nga policia bëjnë me dije se si pasojë e këtij aksidenti, një prej të plagosurve ndodhet në gjendje të rëndë për jetën. Po kështu të njëjtat burime shtojnë se nga autobusi, nuk ka të lënduar.
Informacion paraprak
“Në aksin rrugor Elbasan – Metalurgji, mjeti me targa AA456TU, me drejtues shtetasin R.T., banues në lagjen “5 Maji”, Elbasan, është përplasur me mjetin me targa AA289TT me drejtues shtetasin F.J., si dhe është përplasur lehte autobusi me targa AA081TR, me drejtues shtetasin G.B.,
Si pasojë e përplasjes janë aksidentuar dy drejtuesit e mjeteve, shtetasit R.T, i cili është në gjendje të rëndë për jetën, ndërsa F.J, jashtë rrezikut për jetën, të cilët janë transportuar menjëherë në Spitalin Rajonal Elbasan. Nga autobusi, s’ka asnjë të lënduar”.
Grupi hetimor ndodhet në vendngjarje, dhe po punon për zbardhjen e shkakut të aksidentit.
