Çiklisti Fabio Jakobsen është në gjendje kome pasi të mërkurën u përfshi në një aksident në garën e fundit të Turit të Polonisë.
Holandezi u përplas me barrierat mbrojtëse ndërsa po luftonte për një vend në podium.
Ai u dërgua menjëherë në spital në gjendje të rëndë dhe organizatorët e garës konfirmuan se ishte vendosur në koma për shkak të dëmtimeve që kishte pësuar në kokë dhe kraharor, shkruan “A2”.
Një mjek i spitalit në qytetin Sosnoviec tha se gjendja e tij ishte e qëndrueshme, por do t’i duhej të operohej në fytyrë dhe kafkë.
