Pesë persona kanë mbetur të plagosur nga përplasja e dy makinave në aksin rrugor Milot – Kurbin tek mbikalimi i Patokut.
Mësohet se të plagosurit ndodhen në gjendje të rëndë dhe janë dërguar në spital. Mes të plagosurve janë edhe tre motra. Dy prej tyre janë mësuese në Laç.
Shkaqet e aksidentit të rëndë nuk dihen ende. Në vendngjarje kanë shkuar forcat e policisë.
Policia e Lezhës në një informacion paraprak tha:
Më datë 30.01.2018, rreth orës 12:40 është marrë njoftim se në aksin rrugor Lezhë -Milot në afersi të kryqëzimit të Patokut ka ndodhur një aksident.
Automjeti tip “Benz” me targa AA308KH dyshohet të ketë qënë duke levizur në sensin e kundert dhe është përplasur me mjetin tip “Fiat” me targa AA935IO.
Për pasojë janë dëmtuar pesë shtetas të cilet katër janë nisur për në Q.S.U. Tiranë dhe një në Spitain Rajonal të Laçit.
Grupi hetimor në vendngjarje po punon për zbardhjen e plotë të shkaqeve te aksidentit.
