Mjaftoi vetëm një orë reshje dëbore që rruga Tiranë-Elbasan të bllokohej. Kryeqyteti dhe qyteti i Elbasanit rreth orës 16:00 u “mbulua” nga dëbora që binte me flokë të mëdha.
Si pasojë e reshjeve të dëborës në aksin rrugor Tiranë-Elbasan pranë tunelit u përplasën 8 makina me njëra tjetrën. Për pasojë kishte vetëm dëme të vogla materiale. Lagështia në rrugë ishte e madhe dhe makinat rrëshqisnin.
Policia ndaloj qarkullimin dhe shumë automjete mbetën të bllokuara në tunel. U lejua vetëm kalimi i makinave me zinxhirë.
Tirana Today siguroi pamjet e makinave të bllokuara në tunel. Të gjithë shoferët e makinave janë në ndjeni se nuk duhet të qëndrojnë në tunel sepse ky informacion u mësohet edhe në kursin e patentës.
Autoritetet e mirëmbajtjes së rrugës hodhën kripë dhe qarkullimi rifilloj normalisht vetëm pas një ore pasi pushoj rënia e dëborës.
Kushtet e sigurisë teknike e ndalojnë rreptësishtë bllokimin e makinave në tunel. Shpresojmë që policia dhe autoriteti i rrugëve të marrin masa paraprake dhe të mos bllokojnë herën tjetër makinat në tunel.
