Akademiku Artan Fuga ka komentuar përplasjet e fundit politike lidhur me hapjen ose jo 100% të listave të kandidatëve për deputetë në zgjedhjet e ardhshme parlamentare.
Përmes një postimi në Facebook, Fuga shkruan se lidershipët politikë nuk i duan listat e hapura.
Kjo për arsyen se ata kanë monopolizuar qeverisjen.
Sipas tij, lista është e hapur vërtetë kur partia merr aq vota sa marrin kandididatët e saj në listë.
Postimi i Fugës në Facebook
Një furtunë e kotë :
lista të hapura dhe lista të mbyllura!
Sepse askush nuk i do listat e hapura!
Kollaj zgjidhja përndryshe!
Cila parti dëshiron shkon në zgjedhje me listë të hapur, kush nuk do shkon me të mbyllur.
Kaq e thjeshtë është ndërkohë vijnë kot vërdallë!
Kanë tmerr nga listat vertetë të hapura! Lista është e hapur vërtetë kur partia merr aq vota sa marrin kandididatët e saj në listë.
Kush e pranon këtë nga lidershipet e sotme politike?
Askush!
Sepse lidershipet politike kanë monopolizuar qeverisjen! Ndryshe nuk shpjegohet!
Monopolet janë kudo, në ekonomi, tregti, emërime, administratë, por edhe në politikë, në kolltuqet e deputetëve, madje disa kanë monopolizuar edhe segmente të opozitës!
