Pas debatit të madh të krijuar për Akademinë e Shkencave, akademiku Artan Fuga i ka shkruar sërish kryeministrit Rama.
Fuga e shpreh haptas që do kishte dashur që kryeministri të reagonte më përpara për problemin e ngritur nga akademiku prej kohësh, ndërsa nuk fsheh as kënaqësinë e tij pasi Rama kërkoi reforimin e ASH-së.
Në letrën e publikuar në profilin e akademikut në Facebook, Fuga gjithashtu tregohet kritik me ministren Lindita Nikolla, por edhe me opozitën, e cila sipas akademikut, reagon vetëm nëpërmjet rrjeteve sociale.
Pedagogu i kërkon kryeministrit që të mos tërhiqet nga vendimi për heqjen e fondeve të Akademisë së Shkencave, përndryshe, shkruan Fuga, përgjegjësia do të bjerë mbi kryeministrin.
