Akademia e Shkencave dhe e Arteve në Kosovë ka organizuar një ekspozitë personale për piktorin, profesorin dhe shkrimtarin Rexhep Ferrin, me rastin e 80-vjetorit të lindjes së tij.
Ekspozita do të hapet sot në orën 18:00 në ambientet e Akademisë së Shkencave dhe të Arteve në Prishtinë, ku do të prezantohen shumë punë të reja (kryesisht qilima) të pa ekspozuara më parë.
Rexhep Ferri lindi në Kukës në vitin 1937. Më 1958 ai mbaroi shkollën e mesme të Artit në Pejë. Më 1962 botoi poezitë nga cikli Shëtitësit e lodhur në revistën letrare Jeta e re në Prishtinë.
Në vitin 1966 u diplomua në Degën e Pikturës Monumentale në Akademinë e Arteve në Beograd.
Në vitin 1970 mbaroi studimet pasuniversitare në Akademinë e Arteve në Beograd.
Më 1971 mori çmimin e dhjetorit të Kuvendit të Kosovës.
Në vitin 1974 zgjidhet pedagog i Akademisë së Arteve Figurative në Prishtinë.
Më 1975 fiton çmimin e Sallonit Pranveror për pikturë të Shoqatës së Artistëve Figurativë të Kosovës.
Në vitin 1999 zgjidhet sekretar i Seksionit të Arteve në ASHAK dhe në vitin 2000 zgjidhet anëtar i rregullt i ASHAK.
Kritika i ka vlerësuar lartë veprat e tij në aspektin artistik. Ka botuar edhe disa përmbledhje të poezive, si dhe disa romane.
