Në Antarktidë shkencëtarët e NASA-s kanë bërë një zbulim mjaft të çuditshëm. Bëhet fjalë për një ajsberg i cili ka formën e një drejtkëndori të rregullt “si i prerë me thikë”. Ai është zbuluar nga ekuipazhi i NASA-s, të cilët e dalluan në bregun lindor të Gadishullit Antarktik, pranë akullit Larsen C.
Ekspertët e NASA-s janë besojnë se ky ajsberg mund të jetë ndarë së fundmi nga raftet e akujve, pasi sipas tyre, këndet e mprehta dhe sipërfaqet e sheshta janë dëshmi se ndarja ka ndodhur kohët e fundit.
Ndërkohë ajsbergët me përsosmëri të tilla kanë ndodhur dhe më parë, dhe formën e marrin kur shkëputen nga një masë tjetër.
Gjithashtu shkencëtarët e krahasojnë me thoin, që nëse e lë të rritet, një ditë mund të këputet vetë me prerje shumë të drejtë.
