Vrasja e Ilaria Sulës në Itali ishte kryefjala e mediave në Itali, që ka shokuar të gjithë. Por mbi të gjithë ata që e njihnin vajzën shqiptare me banim në Romë.
“Ajo dukej si kukull. Një çift i lidhur ngushtë. Ai, Marku, ishte i mirë, i qetë, i qeshur, i sjellshëm. E pashë të hënën e kaluar jashtë zyrës sime. Ai ishte i qetë si kurrë më parë. E kam njohur edhe vajzën, e kam vizituar shumë herë, e fundit para disa muajsh. Ajo që ndodhi është absurde,” – shprehet doktor Giovanni Spanò, dentist në klinikën Infinity Dental, që ndodhet pikërisht pranë banesës ku u vra Ilaria.
“Ai jeton këtu me prindërit e tij, por vajza e frekuentonte këtë shtëpi prej vitesh, tani ka kohë që nuk e kam parë. Jam i shokuar” – shton dentisti italian.
“Për vite të tëra, të gjithë qytetarët filipinas kanë jetuar në atë ndërtesë, ata janë shumë të qetë dhe të integruar në mënyrë perfekte me lagjen. Ajo që ndodhi është e tmerrshme” – përfundon dentisti, i cili ka pasur si paciente Ilarian.
