Ajka e artistëve shqiptarë është pritur dje nga Ati i Shenjtë Papa Françesku në kuadër të Vitit Ndërkombëtar të Skënderbeut.
Pjesë e kësaj pritjeje të veçantë kanë qenë përfaqësues të shtetit dhe shoqërisë, të besimeve fetare në Shqipëri, intelektualë e artistë.
Këta të fundit mbajtën një koncert madhështor, të titulluar: “Të bashkuar në muzikë dhe në kujtim të Skënderbeut”. Në koncert performuan emra të njohur të skenës si Dua Lipa, Inva Mula, Olen Çezari, Genc Tukiçi, Elhaida Dani, Ermal Meta, Eno Peçi.
Por, kë kishin zgjedhur VIP-at shqiptarë të merrnin me vete në këtë pritje të veçantë?
Këngëtarja me famë botërore, Dua Lipa shoqërohej me të gjithë familjen e saj: prindërit, motrën dhe vëllanë.
Gazetari Blendi Fevziu kishte zgjedhur të shoqërohej nga vajza e tij e madhe. Ndërsa futbollisti Lorik Cana është shoqëruar nga bashkëshortja italiane.
Më poshtë foto të VIP-ave shqiptarë, bashkuar në Vatikan në koncertin madhështor.
