Kryetari i Bashkimit Demokratik për Integrim, Ali Ahmeti, ka zhvilluar një takim me ambasadorin e Francës në Maqedoni, Kristian Timonier. Në takim u diskutua mbi sitatën politike në Maqedoni, rrethanat gjeopolitike dhe mundësitë për zgjidhje të ngërçit politik dhe institucional në vend.
Ali Ahmeti u ndal tek të gjithë hapat konstruktivë për daljen nga kriza, që ka ndërmarrë Bashkimi Demokratik për Integrim, në përputhje me pritjet e qytetarëve dhe pritshmëritë e komunitetit ndërkombëtar.
Ahmeti njoftoi ambasadorin Timonier, se BDI ka ftuar dy partitë politike maqedonase, që të angazhohen për gjetjen e zgjidhjes dhe realizimit të pritshmërive të qytetarëve për paqe, stabilitet dhe siguri.
“Çdo vonesë paraqet mundësi për kundërshtarët e rrugës sonë drejt integrimit në NATO dhe BE, për të shtuar ndikimin e tyre dhe për të thelluar hendekun midis qytetarëve të vendit tonë”, përfundoi Ahmeti.
