Philippe Coutinho nuk do të qëndrojë te Bayern dhe as te Barcelona kur të kthehet nga Gjermania. Braziliani është e sigurt se do të behët pjesë e një tjetër skuadre merkaton e ardhshme, ndërsa ofertat në drejtim të Barçës kanë nisur që tani në karantinë. PSG, Chelsea dhe Tottenham kanë shfaqur interes për fantazistin dhe në verë pritet të ketë bisedime konkrete.
Në lidhje me të ardhmen e Coutinho ka folur edhe agjenti i tij, Kia Joorabchian. Ky i fundit e bën fakt të kryer largimin e 27-vjeçarit nga Barcelona dhe shton se Premier League është kampionati që klienti i tij dëshiron të vazhdojë karrierën. Ai pret që Barcelona dhe palët e tjera të arrijnë një marrëveshje në verë.
“Coutinho do të ishte i lumtur nëse do të vazhdonte karrierën e tij në Premier League. Ai kampionat i ka shijuar gjithmonë dhe e ka gjetur veten më të sigurt. Se unë jam tifoz me Arsenal, nuk do të thotë se Coutinho duhet të shkojë atje, por qëndron si opsion. Ne na mbetet të shohim se cilat do të jenë kushtet financiare të Barcelonës dhe blerësve në fund të kësaj pandemie”, përfundoi Joorabchian.
