Krimbat e vërdhë janë insekti i parë i miratuar për përdorim ushqimor në Europë nga Agjensia Europiane e Sigurisë Ushqimore.
Krimbat e verdhë janë të pasur me proteina, yndyrna dhe fibra dhe mund të konsumohen të përpunuar në formë mielli për snack dhe noodles ose siç janë të karamelizuar apo të skuqur, shkruan DW.
Agjencia Europiane e Sigurisë Ushqimore, e cila ndodhet në Parma të Italisë, i ka hapur rrugë përdorimit të krimbave në kulinarinë europiane.
Konkluzioni i shkencëtarëve në agjencinë ushqimore të Bashkimit Evropian, vjen pas një aplikim nga kompania e parë e prodhimit të insekteve për ushqim me bazë në Francë, Micronutrism.
Nëpër botë, përfshirë Afrikën dhe Amerikën Qendrore, insektet e skuqura, gatimet e ndryshme me ta si dhe qoftet me krimba të verdhë, janë shndërruar prej kohësh në normalitet. Dy shtete europiane, Austria dhe Gjermania, ofrojnë tashmë snacks me bazë krimbash.
