Debswana, një kompani që merret me zbulimin e diamanteve në Botsvana të Afrikës, tha se kishte gjetur një gur 1,098 karat, të përshkruar si i treti për nga madhësia i këtij lloji në botë.
Drejtoresha e përgjithshme e kompanisë, Lynette Armstrong, i paraqiti gurin, i cili u gjet në 1 qershor, presidentit të vendit, Mokgweetsi Masisi, ditën e djeshme, shkruan The Guardian.
”Guri i rrallë dhe i jashtëzakonshëm, do të thotë kaq shumë për kontekstin e diamanteve dhe Botsvanën”, tha ajo. Guri u zbulua në Jwaneng, miniera më e pasur në botë për nga vlera, e cila po pëson një rritje prej 2 miliardë dollarësh.
Diamanti është gjithashtu më i madhi i gjetur ndonjëherë në historinë e kompanisë, një ndërmarrje e përbashkët midis qeverisë dhe gjigandit të diamantit, De Beers.
Debswana planifikon të rrisë prodhimin me 38% deri në fund të vitit 2021, ndërsa tregu global i diamantëve po rimëkëmbet me lehtësimin e kufizimeve të udhëtimit dhe rihapjen e argjendarëve.
Diamanti më i madh në botë është Cullinan, 3,106 karat dhe është zbuluar në Afrikën e Jugut në 1905, i ndjekur nga Lesedi La Rona, prej 1,109 karat, sa madhësia e një topi tenisi, u gjet në 2015 në Karowe, në veri Lindje në Botsvana, një udhëheqës afrikan në prodhimin e këtyre gurëve të çmuar.
