Kreu demokrat Lulzim Basha ka folur për herë të parë dhe ka hedhur në opinionin publik emrin e Ministrit Gjiknuri si të implikuar në aferën CEZ.
Po ashtu, Basha gjatë kësaj intervistë në “TCH “ka deklaruar se do të anulohen konçensionet e firmosura nga Rama, por do të ketë hapa ligjorë për të gjurmuar se ku kanë shkuar paratë e përfituara në mënyrë korruptive.
Gjithashtu, kreu i PD-së ka pohuar se për aferën CEZ ka folur me Drejtorin e Interpolit dhe do të ketë mbështetje të plotë për gjetjen e parave.
“Në të paktën një, rast këto para janë në parajsat fiskale, dhe këtë e di edhe Interpoli, dhe e kam fjalën për aferën CEZ, dhe nuk është vetëm ministri Gjiknuri, por edhe më lart. Kam folur me Drejtorin e Interpolit dhe do të kemi mbështetjen e plotë për të gjurmuar paratë kudo ku janë dhe do ua kthejmë shqiptarëve”, tha Basha.
