Konfliktet në shkolla duekt se janë kthyer në një fenomen mjaft shqetësues kohët e fundit, shpesh dhe me humbje jete.
Eksperti i kriminalistikës Fatjon Softa i ftuar në Ora News deklaroi se nxënësit shkojnë shpesh në shkolla me armë të ftohta e thika për të sulmuar apo për tu mbrojtur.
“Pjesë e këtyre ngjarjeve janë gjuha e trupit, mënyra se si ata komunikojnë, konfliktet përfundojnë me dhunë. Një pjesë e madhe e nxënësve që shkojnë në shkollë mbajnë kaçavida, armë të ftohta. Përgatiten për tu mbrojtur apo për të sulmuar dhe çdo lloj konflikti përfundon në këtë formë. Ky nuk është një stimul që vjen nga rrjetet por mënyrën se si kërkojnë të zgjidhin konfliktet. Këtu hyn në rol familja, shoqëria, sistemi edukues e niveli arsimor si dhe siguria. Siguria në shkolla është ende problem, është investuar por jo rezultative,” tha ai.
