Acari siberian ka mbërthyer Evropën, e deri më tani numërohen 10 të vdekur. Situata paraqitet tejet e rënduar, duke shpallur gjendjen e jashtëzakonshme. 7 persona humbën jetën nga orteqet në rajonet gjermane, franceze e italiane të Alpeve. Niveli i dëborës ka tejkaluar 2 metra, teksa është shpallur gjendja e alarmit nga katastrofat.
Termometri tejkaloi minus 20 gradë Celcius, ndërsa dëbora dhe acari kanë bllokuar shumë rrugë e autostrada. Problematike situata paraqitet edhe në disa vende të Ballkanit.
Stuhitë e dëborës dhe ngricat i kanë marrë jetën 3 personave në Greqi. Vorbulla polare ka përfshirë edhe Bullgarinë e Italinë, ku autoritetet pezulluan përkohësisht mësimin në disa shkolla. Rekordin e temperaturave të ulëta e mban Rusia, ku termometri arrin në minus 47 gradë.
