Një udhëheqës i turpshëm i një sekti indian është dënuar me burgim të përjetshëm për vrasjen e një gazetari që denoncoi abuzimet seksuale të tij ndaj grave. Gurmeet Ram Rahim Singh u shpall fajtor për vrasjen e gazetarit të një gazete lokale, Ram Chander Chhatrapati, në vitin 2002.
51-vjeçari, i cili kryeson sektin ‘Dera Sacha Sauda’ me miliona ndjekës në mbarë botën, tashmë po vuan dënimin me 20 vjet burg për përdhunim. ‘Dënimi me burgim të përjetshëm për vrasje do të hyjë në fuqi menjëherë pasi të përfundojë ai 20 vjeçar me akuza për përdhunim,’ tha avokati i prokurorisë H.P.S Verma, për AFP.
Verma tha se tre personave të tjerë së bashku me gurunë iu dhanë gjithashtu burgim të përjetshëm nga gjykata. Ram Chander Chhatrapati u qëllua jashtë shtëpisë së tij pasi gazeta e tij lokale botoi një letër anonime që përshkroi abuzimin seksual nga Singh në selinë e tij luksoze në shtetin Punjab.
Tre ndihmës të ngushtë të Singhut gjithashtu u dënuan nga gjykata dhe u dënuan me burgim të përjetshëm për vrasjen e gazetarit. Prokurorët kishin kërkuar dënimin me vdekje për të katër të akuzuarit, përfshirë Singh.
51-vjeçari u akuzua në vitin 2017 për përdhunimin e dy prej dishepujve të tij, dhe u dënua me 20 vjet burg. Vendimi shkaktoi trazira të gjera, me dhjetëra mijëra pasues të tij nga disa vende të Indisë filluan protesta të dhunshme. Makina u dogjën dhe gati 40 nga të besuarit e tij u vranë në përleshjet me policinë në Haryana.
Për të shmangur një përsëritje të dhunës, autoritetet rritën sigurinë rreth gjykatës së Panchkula, kur u dorëzua vendimi. Singh mori dënimin e tij nëpërmjet lidhjes video në burg.
India u rendit vendi i pestë më vdekjeprurës për gazetarët në 2018, sipas Reporterëve pa Kufij. Gjashtë gazetarë u vranë në Indi vitin e kaluar. Gazetarët shpesh janë të shënjestruar nga interesa të fuqishëm, duke përfshirë politikanë dhe kriminelë.
India nuk është e huaj për skandalet që përfshijnë asketët popullorë që pretendojnë të kenë fuqitë mistike. Që nga viti 2015, Singh ka qenë në gjyq për akuzat e 400 klientëve të tij, të cilët pretendonin se atyre u premtonte fitime shpirtërore. Singh akuzohet gjithashtu në vrasjen e ish-menaxherit të tij, pasi ai kërcënoi të shfaqte skandalet e tij.
Alarmohen shërbimet inteligjente/Gjiknuri sjell në Tiranë gurunë indiane (Video)
Gurutë u bënë të famshëm në Shqipëri, pasi një prej tyre vizitoi ish-ministrin Damian Gjiknuri. Vizita e tij në Tiranë bëri shumë bujë.
Përshtati TIRANA TODAY, Burimi: Daily Mail
