Hidhni një sy rreth zyrës tuaj. A mund të klasifikoni ndonjë nga kolegët tuaj si psikopat? Çuditërisht studimet provojnë se psikopatët janë të shpeshtë në fushën e biznesit. Hulumtuesit kanë treguar se pavarësisht se ku qëndroni, kudo njerëz të ndryshëm që ju rrethojnë fshehin tendenca psikopatie, duke përdorur tipare të caktuara personaliteti për të manipuluar vendin e punës.
Psikologu i New York-ut Paul Babiak ka deklaruar se sipas studimi, 4% e liderëve të biznesit në SHBA mund të jenë psikopatë. Këto shifra paraqesin një pamje të liderëve të biznesit të cilët kanë ambicie të pamëshirshme mbi çdo gjë dhe nuk shqetësohen duke përdorur njerëzit për avantazhet personale.
Supozime sfiduese
Menaxherët e fondeve të mbrojtjes e klasifikojnë më keq se kolegët e tyre ndikimin e psikopatisë. Një studim i ri nga studiuesit e Universitetit të Denverit dhe Universitetit të Kalifornisë, Berkeley i krahasoi tiparet e personalitetit të 101 menaxherëve me investimet dhe fitimet e tyre nga viti 2005 deri në 2015, dhe zbuluan se menaxherët me tendenca më të mëdha psikopatike morën më pak fitime.
Leanne ten Brinke, autore kryesore e studimit dhe një asistent profesoreshë e psikologjisë në Universitetin e Denverit, beson se është koha t’i rikthehemi supozimeve të vjetra se pamëshirshmëria dhe ngurtësia janë tipare të favorshme për menaxherët e biznesit.
“Psikopatet kanë më shumë gjasa të fitojnë pushtet përmes dominimit, ngacmimit dhe frikësimit, në vend që ta fitojnë përmes respektit,” tha ajo.
Bukuri sipërfaqësore
Psikopatët shpesh konsiderohen simpatikë, joshës dhe të ëmbël, për shkak të mungesës së vetëdijes. Kjo mungesë i çliron nga pengesat dhe shqetësimet se po thonë dicka të gabuar.
Studimet tregojnë se liderët me tipare psikopatike tentojnë të shihen si karizmatikë, kreativë dhe të aftë për të komunikuar. Kjo është për shkak të një bukurie psikopatike, sipas një studimi në vitin 2010 nga Babiak. Ai zbuloi se ata që kanë më shumë premisa psikopatie kishin performancë të dobët, por aftësi të mira komunikimi, mendim strategjik dhe kreativitet.
Impulsiviteti
Ekziston një lidhje e ngushtë midis psikopatisë dhe impulsivitetit, duke përfshirë sjelljen kriminale dhe të dhunshme. Por kjo gjithashtu mund të nënkuptojë që psikopatët kanë tendencë për të rrezikuar pa menduar për pasojat. Ky impulsivitet vjen nga mungesa e frikës, sipas psikologut kriminal David Lykke.
Hulumtuesit kanë zbuluar edhe një lidhje midis psikopatisë dhe heroizmit, të tilla si ndihma për të shpëtuar dikë nga një situatë e rrezikshme.
Mungesa e pendesës apo fajësisë
Zakonisht mendohet se psikopatët nuk ndjejnë faj apo keqardhje, por hulumtimet e fundit tregojnë se ata preken nga emocione të tilla negative, por vetëm kur dikush i prek ato drejtpërdrejt. Me fjalë të tjera, nëse dëmtojnë dikë tjetër, ata nuk do ndihen në faj, por nëse janë keq financiarisht, ata ndjejnë shumë keqardhje.
Një seri studimesh në vitin 2014 zbuluan se ata që priren të ndihen në faj tentojnë të shmangin krijimin e marrëdhënieve të ndërvarura me njerëzit e tjerë që ata i perceptojnë të jenë më kompetentë se veten. Arsyeja është se perspektiva e mosfunksionimit të marrëdhënies mund t’i bëjë ata të ndjehen fajtorë.
Jetese parazitare
Një tjetër karakteristikë e psikopatëve është se ata formojnë marrëdhënie sipërfaqësore dhe afatshkurtra pastaj heqin dorë.
“Psikopatët në përgjithësi përpiqen të bëjnë më të mirën për veten e tyre, por jo domosdoshmërish për njerëzit me të cilët punojnë,” thotë Galynker. “Ata lënë përshtypje të mira, duke u promovuar dhe duke marrë rritje rroge, por jo domosdoshmërisht janë të mirë në menaxhim. Ata investojnë në një kompani vetëm nëse është e nevojshme që ata të promovohen dhe të bëjnë më shumë para.”
Konteksti i duhur
Ndërsa tiparet psikopatike dëmtojnë apo përmirësojnë biznesin, kjo lidhet përfundimisht me faktin që këto tipare duhet të vendosen në kontekst, thotë Dutton.
“Nëse tiparet psikopatike janë të dobishme varet nga konteksti,” thotë ai. “Mungesa e pamëshirshmërisë nuk është një gjë e keqe, por në kontekstin e gabuar mund të krijojë ngërç. Mungesa e frikës mund të jetë gjithashtu e dobishme, por në kontekst të gabuar mund të kalojë në pamaturi. Çelësi është kombinimi i duhur i tipareve në nivelet e duhura dhe në kontekstin e duhur .” (TIRANA TODAY)
