Presidenti Ilir Meta u është përgjigjur kritikave të mazhorancës lidhur me emrin e propozuar nga ai për në krye të Kontrollit të Lartë të Shtetit.
Duke folur për mediat, presidenti tha shkurt se ai udhëhiqet nga interesi kombëtar dhe Kushtetuta, duke iu përgjigjur kështu edhe reagimit të bërë nga ana e shumicës, se kandidatura e zgjedhur nuk plotëson kriteret ligjore, pasi nuk ka njohuri në ekspertizë financiare, kusht që e kërkon pozicioni në krye të KLSH.
Këtë koment, Meta e bëri gjatë një vizite të Shtatorja e Ismail Qemali, ku vendosi lule në 100-vjetorin e ndarjes nga jeta të këtij të fundit.
