A duhen larë çdo ditë të sapolindurit?

Shumë prindër, sidomos prindërit me fëmijën e parë, janë të dhëna pas larjes çdo ditë të bebeve të tyre, ose edhe dy herë në ditë, në raste të ditëve të nxehta. Por a është e rekomandueshme një gjë e tillë? Studimet e mjekëve neonatalë dhe dermatologëve kanë vënë theksin se fëmijët nuk duhet të lahen çdo ditë. Kjo për shkak se larja mund të dëmtojë lëkurën e tyre si dhe mund të jetë shkaktare për shfaqjen e alergjive. Sipas specialistëve,  gjatë fëmijërisë mikrobet që fëmijët marrin nga ambienti që i rrethon e bëjnë më të fortë sistemin e tyre imunitar. Ata shtojnë se, nëse e lajmë shpesh fëmijën, ai do bëhet më i ekspozuar ndaj alergjive, pasi edhe uji i tepërt shkakton tharje te lëkurës që çon deri në shfaqjen e asaj që njihet si “dermatiti atopic”. E gjithë kjo shkaktohet nga dëmtimi i shtresës së jashtme të lëkurës që ka për funksion të mbrojë organizmin tonë nga futja e dellit ose të ftohtit.

Ekspertët tregojnë se është mirë që fëmijët të lahen çdo 3 ditë, ose 2 herë në javë, në mënyrë të tillë shmanget përdorimi i tepërt i sapunit ose shampos të cila dëmtojnë lëkurën.

Përjashtim nga ky proces përbëjnë këmbët, duart dhe zona e bebelinës, që rekomandohen të pastrohen tre herë në ditë, në ditët e ftohta, ndërkohë që në ditët e nxehta të verës edhe më shumë.