Turqia dërgoi ushtrinë e saj në Siri në gusht të vitit të kaluar për të përkrahur milicitë lokale aleate me Ankaranë kundër Shtetit Islamik dhe forcave kurde. Ushtria turke krijoi një bazë të përkohshme në vendin strategjik pas marrjes nën kontroll të saj në shkurt, ndërsa synimi është krijimi i bazës së përhershme.
“Ushtria turke synon krijimin e një baze të përhershme ushtarake pranë qytetin sirian al-Bab, i cili ka qenë fokusi kryesor i operacioni ndërkufitar të Turqisë kundër grupit terrorist të ashtuquajtur Shteti Islamik”, thotë zv/kryeministri turk Veysi Kaynak.
Ai shtoi se Ankaraja gjithashtu po zgjedh një vendndodhje për një postë, e cila do të përdoret për të monitoruar situatën në provincën Idlib, ku një zonë e sigurt fluturimesh është vendosur nga Rusia, Turqia dhe Irani. “Ky veprim do të përmirësonte sigurinë e kufirit të Turqisë”, tha Kaynak.
Vendndodhja e bazës që aktualisht po shqyrtohet nga Shtabi i Përgjithshëm i ushtrisë turke është Aqil Hill, në perëndim të al-Bab, tha zyrtari për Hürriyet Daily News.
Një vendosje e njëanshme e një baze ushtarake të përhershme në Siri, e ngjashme me atë që Turqia ka në Irak, do të jepte praninë e saj ushtarake më të fortë, duke kundërshtuar një kërcënim të mundshëm nga luftëtarët kurdë.
