Artan Tafani është bërë i penduari i drejtësisë teksa tashmë ka zbuluar 6 vrasje. Autori i grabitjes së 30 mijë eurove në Astir u arrestua nga policia dhe po bashkëpunon në zbardhjen e disa ngjarjeve në vendin tonë.
Vetëm dje janë lëshuar 15 urdhër-arreste, duke u ekzekutuar pesë prej tyre. Mes të arrestuarve në këtë operacion ka qenë edhe Klea Gjata. 27-vjeçarja është e dashura e Laert Haxhisë dhe tashmë është arrestuar nga policia.
Kujtojmë që Artan Tafani u arrestua 4 ditë më parë teksa ishte shpallur në kërkim nga policia pas grabitjes së një “Exchange” në Astir. Ai ka pranuar të bëhet bashkëpunëtor me drejtësinë. Ai ka rezultuar të jetë pjesë e bandës së Laert Haxhiut, teksa ka zbardhur edhe vrasjet e Çajup Selimit, Alban Semakut, Albi Bashaliut, Lulzim Qorrit, Fridmand Xhaferraj dhe Dikens Halilit.
