Kreu i Partisë së Lirisë, Ilir Meta në një konferencë për media ka folur edhe për zgjedhjet që do të mbahen në shtator në Kukës.
Meta tha se PL nuk ka asnjë pretendim për asnjë kandidat, teksa u shpreh së do të mbështetsin kanidatin që do të dalë nga radhët e Partisë Demokratike.
“Do të mbështesim kandidatin që do të përzgjedhë PD-ja dhe të gjithë aleatët e saj. Kjo është e padiskutueshme. Nuk kemi asnjë pretendim për asnjë kandidat nga PL për bashkinë e Kukësit dhe nuk kemi pasur as më përpara. Qëllimi ynë i qartë për t’i shërbyer një kohezioni sa më të suksesshëm opozitar përballë një sistemi.
Ne do mbështesim çdo kandidat që mbështet PD dhe pa asnjë diskutim dhe me bindje të plotë, për më tepër që është mundësia që Kukësi të vendosë dinjitetit e ti jetë cenuar nga manipulimi në zgjedhjet e 14 majit”, tha Meta.
