Disa qytetarë i janë bashkuar protestës së studentëve të mjekësisë. Këta të fundit nisën tubimin nga Fakulteti i Mjekësisë e më pas kanë marshuar drejt Parlamentit, aty ku sot po mbahret seanca e radhës.
Me pankarta në duar dhe me thirrje “Bashkohuni me ne”, studentët kanë nisur sot protestën e tyre, duke u shprehur kundër projektligjit, ku studentëve të mjekësisë pas mbarimit të Univeritetit, do u mbahet diploma për 5 vite dhe do të duhet të punojnë në vend.
