Deamishel është një nga finaistët që është bërë pjesë e programit më datë 24 dhjetor të vitit 2022, duke mbushur plot 133 ditë brenda në shtëpi.
Klipi i parë i shfaqur me momentet më të bukura në shtëpi gjatë gjithë kësaj periudhe ishte i Deas. Përmes një klipi, Deamishel foli për ndjesitë e saj gjatë gjithë rrugëtimit, duke cekur surprizat, momentet e bukura, të qarat e të qeshurat.
Deamishel tha se nuk ka dashur në asnjë moment të nxisë dhunë apo urrejtje dhe se nuk ka luajtur në asnjë moment gjatë rrugëtimit të saj.
Ajo shtoi se gjithmonë e ka shfaqur vetën siç është dhe fakti që publiku e ka votuar për të dërguar deri në finale, e bën të ndihet e vlerësuar.
Finalistja tha se ky rrugëtim ka qenë një lëmsh emocional dhe se ky format ta ndryshon jetën dhe se është eksperiencë e jashtëzakonshme.
Deamishel tha se ka pësuar një transformim shpirtëror gjatë qëndrimit në shtëpi, e sidomos në një moment kur ajo mendonte se nuk meritonte asgjë të bukur.
