Kryeministri grek Kyriakos Mitsotakis i tha presidentit ukrainas Volodymyr Zelenskyy të hënën se zbatimi i plotë i sanksioneve nga vendet e Bashkimit Evropian, do të ndihmonte në presionin ndaj Rusisë për të ndaluar sulmet. Të dy liderët diskutuan me telefon ndikimin e pushtimit rus, tha zyra e kryeministrit grek.
“Kryeministri [grek] theksoi se zbatimi i plotë i sanksioneve nga të gjitha vendet anëtare dhe aleatët do të ndihmojë në rritjen e presionit ndaj Rusisë për të ndaluar sulmet,” tha zyra e Mitsotakis.
Mitsotakis e siguroi Zelenskyy-n se qeveria greke mbështet plotësisht Ukrainën, raportoi Reuters. Greqia po dërgonte ndihma dhe ishte gati të priste refugjatët.
Të dy ranë dakord gjithashtu mbi nevojën për një korridor humanitar në rajonet e goditura si Mariupol, ku jetojnë qindra grekë etnikë. Athina po bën gjithashtu përpjekje për të evakuuar konsullin e saj të përgjithshëm dhe njerëz të tjerë nga Mariupol.
Mitsotakis diskutoi pushtimin rus të Ukrainës me presidentin turk Recep Tayyip Erdogan të dielën.
Burimi i lajmit: The Guardian. Përshtatur nga Tirana Today
