Shqipëria do të përfaqësohet në edicionin e 59-të të Bienales Ndërkombëtare të Artit në Venecia, me veprën e Lumturi Blloshmit. Ministrja e Kulturës, Elva Margariti jep detajet për ngjarjen më të madhe të artit bashkëkohor në botë. Vlen të theksohet se kjo është hera jonë e parë që prezantohemi nga një artiste femër, që nuk është më në mesin tonë.
“Në këtë edicion të Bienales së Artit në Venecia, Shqipëria përfaqësohet nga vepra e artistes Lumturi Blloshmi, nën kurimin e Adela Demetjas. Është hera e parë që prezantohemi nga një artiste femër, që nuk është më mes tonë”, citon ministrja Margariti.
Piktorja “rebele”, Lumturi Blloshmi, ndër të paktat artiste pamore të brezit të saj, që sfiduan kohën, sistemet politike, ndryshimet e mëdha, ndërroi jetë si pasojë e pandemisë.
