Ermonela Jaho, sopranoja shqiptare e cila ka “pushtuar” skenat e njohura botërore, është zgjedhur anëtare nderi e Shoqatës Lirike “Alfredo Kraus”, (Associazione Artistica Asturiana, “Alfredo Kraus” ) në Spanjë.
Pas suksesit në premierën e operas “Adriana Lecouvreur” në Spanjë, për të cilën gazetat më të mëdha shkruan me tituj si “Brillante Ermonela”, “Ermonela Jaho una diva” etj, tashmë vjen një tjetër vlerësim i merituar për të.
Ministrja e Kulturës, Elva Margariti, teksa nuk nguron që të shprehë krenarinë, thotë se i bashkojmë duartrokitjet tona, atyre të publikut në mbarë botën për të. Edhe sopranoja e shquar Ermonela Jaho ka dy fjalë për të thënë, duke shprehur nderin e mirënjohjen për këtë vlerësim, pasi arti bashkon zemrat e të gjithë popujve.
“Jam shumë e emocionuar, që kam nderin, të marr këtë mirënjohje nga Asturian Lyrical Association Alfredo Kraus. Që nga momenti i parë që këndova në Oviedo, ndjeva një lidhje shumë të veçantë. Dhe unë jam vërtet mirënjohës ndaj jush, për dashurinë tuaj për artin dhe artistët. Sot më shumë se kurrë, na duhet shpirti ynë të lidhet dhe mënyra më e mirë për ta bërë këtë, është muzika dhe arti, sepse ato na mësojnë të ndjejmë, të vlerësojmë gjërat e bukura dhe të jemi në harmoni me njëri-tjetrin. Njerëzimi ushqehet dhe rritet me kulturë, dhe është trashëgimia më e mirë që mund t’ua lëmë gjeneratave të reja. Ashtu siç bënë artistët e mëdhenj hëngrën Alfredo Kraus, la Callas ose la Caballé. Ju falenderoj për këtë njohje, që do të thotë shumë për mua, sepse do të më japë akoma më shumë forcë për të përmirësuar dhe për të lënë shpirtin tim, të shprehet lirshëm në skenë. Rroftë muzika dhe rroftë opera. Faleminderit, me gjithë zemër”, shkruan ajo në rrjetet sociale.
